Wanci trus gumanti

rina pantaraning ratri

jurang dakudhuni,

gunung dakunggahi

Dakgantung panjangkaku

ana ing pangangen-angen

Trus ngupadi ana ngendi

bisa dakprangguli Sliramu.

Aku trus ngumbara, ngupadi Sliramu

Njur ..

Sliramu mrangguli aku,

Sliramu ndekep awakku.

Ko-blegerake awakMu

marang kabeh kang kesingkir

marang korban kang tan darbe daya

Belekan lan tatune wong-wong

tatu amba kang ana ing awakMu

Lara banget, perih …

lan getihMu isih netes-netes.

Sliramu mrangguli aku,

Sliramu nyikep awakku

aja nyaruwe aku ngusap

lan nambani tatuMu

tokna aku kentir

mlebu sajrone tresnaMu

TresnaMu anelahi dalanku,

tekan pungkasaning wektuku.

Elang Malindo, Ahad Legi 19 Rejeb

1958 Jawa / 19 Januari 2025.

__________________________________

Gurit pahargyan Ambal Warsa Kaping-80 Romo Ignatius Ismartono, SJ

Puisi ini diterjemahkan ke dalam Bahasa Jawa dan dibacakan oleh  Dr. Darmoko S.S., M.Hum., pengajar pada Fakultas Ilmu Pengetahuan Budaya Universitas Indonesia.

Musik latar instrumental piano oleh Julio Bagaskara dari lagu berjudul Panyuwunan, karya Dirmawan Krisnowo Adji, dan syair oleh Dr. I. Kuntara Wiryamartana, SJ.

Video Editor: Srijanti